Riddle 24

Verse Indeterminate Saxon

Ic eom wunderlicu wiht, wræsne mine stefne,
hwilum beorce swa hund, hwilum blæte swa gat,
hwilum græde swa gos, hwilum gielle swa hafoc,
hwilum ic onhyrge þone haswan earn,

5

guðfugles hleoþor, hwilum glidan reorde
muþe gemæne, hwilum mæwes song,
þær ic glado sitte. %%G%% mec nemnað,
swylce %%æ%% ond %%R%% %%O%% fullesteð,
%%H%% ond %%I%%. Nu ic haten eom

10

swa þa siex stafas sweotule becnaþ.